Tunnelvegen til Tusenmeteren på sykkel

Tunnelvegen frå Sletterust - via Tusenmenteren til Øvre Årdal er enkelt med transport frå sentrum til startpunktet for turen.

Leig ein sykkel og legg ut på eventyr i Årdal. Me tilbyr kvalitetssyklar frå Merida i vår sykkelutleige. 

Du må signera vår utleigekontrakt for å få leiga sykkel hjå oss. Meir info får du ved å ta direkte kontakt med Bulder & Brak Opplevingar.

Tilstandsrapport Tunnelvegen:

Delar av Tunnelvegen er smal og i stor grad usikra med grov og ujamn overflate og hjulspor. Du må difor ta det roligare enn på ein moderne sykkelveg, og turen eignar seg ikkje for uerfarne syklistar. Dei mest krevjande partia finn du rett før og inne i tunnelen ca 5,5 km ut i sykkelturen og vidare frå utsiktspunktet 1000moh og ned til FV53 (lang nedfart og skarpe svingar).

Hald deg inn mot fjellet der det er mogleg, og gå av sykkelen i dei partia av vegen du ikkje er komfortabel med å sykla.

Vegen er utsatt for steinsprang, spesielt ved mykje nedbør, og den blir ikkje rydda/vedlikehalden.